Annar fundur veiðiklasa
Annar fundur í veiðiklasa var haldinn á Gistiheimilinu Egilsstöðum þann 14. apríl sl. Á fundinn mættu Håkan Gyllbring viðskiptaráðgjafi í skotveiði og ferðaþjónustu hjá Atvinnuþróunarfélaginu í Luleå, Svíþjóð og Markus Muuttola veiðimaður og kennari í markaðsfræðum við Verkmenntaskólann í Haapavesi, Finnlandi. Báðir þessir aðilar starfa með sambærilegum veiðiklösum í Svíþjóð og Finnlandi og kynntu þeir málefni veiðiklasanna ytra fyrir íslenska hópnum. Umræður um skotveiðar á norðurslóðum voru líflegar. Eitt af því sem kom fram í umræðunum var að í grunninn eru aðiliar á þessum slóðum að vinna með sömu vöruna hvað varðar veiðar á norðurslóðum og að markaðurinn er í stórum dráttum hinn sami. Það er því rík ástæða til þess að klasarnir starfi saman við vöruþróun.
